– Прайгралі дзве гульні. Учора была нядрэнная гульня з мноствам сутычак. Як я ўжо сказаў, учорашні матч прайгралі з-за таго, што гублялі шайбу ў сярэдняй зоне. Сёння прапусцілі гол, але адыграліся, забіўшы два. У другім перыядзе прапусцілі тры. Было цяжка, супернік перайграў ва ўсім: і ў абароне, і ў атацы, у дадатак, мы на пятаку дрэнна згулялі.

– Якія-небудзь станоўчыя моманты можаце вылучыць зыходзячы з двух гульняў?

– Хлопцы атрымліваюць гульнявы час, усе былі задзейнічаны.

– Выдатна пачалі першы перыяд, трымалі суперніка ў яго зоне. Што пайшло не так у другім?

– Пачалі шмат выдаляцца, таму такі вынік. Напэўна, рана паверылі ў перамогу.

– У каманды была паўза, можа гэта нейкім чынам паўплывала на вынік?

– Я таксама задаю сабе гэтае пытанне. Накшталт і адпачылі, але гульнявы тонус страцілі. Пасля трынаццаці дзён рабілі такія рэчы, якія ніколі ў жыцці не рабілі. Таму, напэўна, маладым хлопцам трэба больш гуляць, чым адпачываць. Будзем рыхтавацца да наступных матчаў.

– Другі матч запар закідвае Аляксандр Мурамцаў. Рады яго поспеху?

– Так, ён малайчына. Закінуў сёння выдатна з вяршыні. Учора на падстаўленні адпрацаваў. Маладзец.

– У вас наперадзе матчы з лідарам турнірнай табліцы «Капітанам», будзе час падрыхтавацца?

– Цяпер у нас будзе пераезд, заўтра перадыхнем, ну а потым будзем рыхтавацца, – сказаў Міхалёў.

Аўтар: Юрый Дыбоўскі

Крыніца: ФХБ