Дзмітрый Корабаў: «Мiнскае «Дынама» спакойна магло б гуляць у НХЛ і набіраць ачкі. Але такога ніколі не адбудзецца»
Абаронца мінскага «Дынама» Дзмітрый Корабаў лічыць, што беларуская каманда магла б гуляць у НХЛ, аднак ёсць нюанс.
– Калі ўявіць мінскае «Дынама» ў НХЛ, яно змагло б канкурыраваць з клубамі? Атрымалася б набраць некалькі ачкоў у чэмпіянаце?
– «Дынама» спакойна магло б гуляць у НХЛ і набіраць ачкі ў сустрэчах з амерыканскімі і канадскімі клубамі. Хакей там адрозніваецца толькі шпаркасцю прыняцця рашэнняў і хуткасцямі. Але такога ніколі не адбудзецца. Беларускі клуб не можа гуляць у Амерыцы. Па-першае, мы ўжо гуляем у КХЛ, а па-другое, для гэтага неабходна будзе зноўку ствараць «Дынама» у якім-небудзь амерыканскім ці канадскім горадзе, – лічыць Корабаў.
Пасля 40 матчаў КХЛ сезона-2022/23 мінская каманда займае 8-е месца ў Заходняй канферэнцыі.
⚽️ Чэмпіянат свету-2022 па-беларуску і без VPN! Пампуй дадатак Tribuna.com
