Трэнер «Магілёва» Каштанаў пра 3:6 ад «Хіміка»: «Не гулялі ўсе 60 хвілін, гублялі канцэнтрацыю на час, таму і не змаглі давесці матч да лепшай канцоўкі»
Трэнер «Магілёва» Яўген Каштанаў пракаментаваў паразу ад «Хіміка» з лікам 3:6.
– Сённяшняя гульня складалася па падобным сцэнары, што і першая. Як ацаніце матч?
– З такім жа лікам сыходзілі на перапынкі, адзінае, дзесьці канцоўку матчу не выстаялі і далі саперніку закінуць у распранальню. У трэцім перыядзе не ўсё атрымалася. Не гулялі ўсе 60 хвілін, недзе гублялі канцэнтрацыю на некаторы час, таму і не змаглі давесці матч да лепшай канцоўкі.
– У мінулай гульні адзначалі шэраг памылак, у гэтай іх не атрымалася выправіць?
– Мабыць няма. Накшталт разбіралі, папярэджвалі аб гэтых момантах, але наступілі на тыя ж граблі. Відаць, мала было часу, трэба больш яго выдзяляць, больш працаваць. Наогул, сёння і станоўчыя моманты былі, але гэтае выключэнне і страта канцэнтрацыі знішчылі гульню.
– Прапушчана 6 шайб – гэта памылкі ў абароне ці недзе яшчэ?
– Нельга сказаць, што памыляецца абарона. Проста, калі памыляецца нападаючы, гэта не так бачна. Калі абаронца ці брамнік – гэта ўжо канцоўка хвалі. Калі разблытаць гэты ланцужок, то бачная віна ўсёй каманды, – сказаў Каштанаў.
