Крэйг Вудкрафт: «Мінск – найлепшае месца ў лізе, тут найлепшыя заўзятары. Каманда хоча паказваць добрую гульню для іх»
Галоўны трэнер мінскага «Дынама» Крэйг Вудкрафт падзякаваў заўзятарам за падтрымку на дамашнім матчы з «Тарпеда» (2:3 Б) і падзяліўся чаканнямі ад маючага адбыцца дамашняга матча з «Куньлунем», які адбудзецца сёння, 30 студзеня, у 19:10.
– Як удаецца матываваць хлопцаў аддаваць усе сілы, калі ўжо згуляна так шмат матчаў рэгулярнага сезона?
– Хлопцы хочуць перамагаць і паказаць добрую гульню. У іх ёсць характар, жаданне гуляць да канца любога матча.
– На суботні матч з «Тарпеда» прыйшло 12 тысяч гледачоў. Відаць, як усе жадаюць падтрымаць каманду ў дужанні за плэй-оф. Наколькі важная такая падтрымка?
– Мы адчувае гэтую падтрымку, яна вельмі важная. Мінск – лепшае месца ў лізе, тут лепшыя балельшчыкі. У Беларусі любяць хакей. Каманда хоча паказваць добрую гульню для ўсіх балельшчыкаў.
– У мінулым матчы мы перамаглі «Куньлунь» з лікам 5:1 і наш план спрацаваў. Ці памяняецца ён на гэтую гульню?
– Будуць змены ў складзе, звязаныя з траўмамі. Але па ўтрыманні чакаю такую ж гульню. «Куньлунь» – каманда з паўночнаамерыканскім стылем гульні. Будзе шмат барацьбы ў кутах, перад варотамі. Мы павінны быць да гэтага гатовы. Ёсць яшчэ некалькі дэталяў у нашым плане на гульню, але пакуль не буду пра гэта казаць, – сказаў Вудкрафт.
