Чух аб 3:1 з «Хімікам»: «Для першай гульні ў абноўленым складзе было шмат бязладзіцы. Але лепш выйграваць з такім разладам, чым паказваць выразны хакей і саступаць»
Галоўны трэнер «Ліды» пракаментаваў перамогу ў матчы з «Хімікам» (3:1).
- Для першай гульні ў абноўленым складзе было шмат бязладзіцы. Новыя гульцы выйшлі, так бы мовіць з карабля на баль, таму прысутнічаў невялікі разлад. Але лепш выйграваць з такім разладам, чым паказваць выразны хакей і саступаць.
Хлопцы біліся, дзякуй ім. Дзякуй гледачам, добра нас падтрымлівалі. Відаць было, што хлопцы хацелі выйграць.
- Задаволеныя гульнёй пачаткоўцаў?
- Раз мы перамаглі, то ўсё добра.
– «Гомель» перамаглі, калі адсутнічала некалькі траўмаваных хакеістаў. Сёння перамаглі без лідараў. Здаецца, што цяжкасці загартоўваюць каманду.
- Так, ёсць такое правіла: чым горш, тым лепш. Хоць я б не сказаў, што ў нас нешта дрэнна. Ёсць у нас хлопцы, якія пры такіх абставінах могуць выйсці на лідзіруючыя пазіцыі. Герасімаў у экстраліге забіў першыя два галы ў кар'еры, хоць да гэтага мала гуляў. Хлопцы адчуваюць, што на іх кладзецца адказнасць.
- Вы досыць часта крытыкавалі моладзь. Сёння ёсць за што пахваліць яе?
- Сёння ўся каманда – малайцы, – сказаў Чух.
