Чупрыс пра гульцоў мiнскага «Дынама» ў «Шахцёры»: «Не магу сказаць, што адбываюць нумар – не. Але ёсць нюансы, недастатковае разуменне яшчэ»

Галоўны трэнер «Шахцёра» Яраслаў Чупрыс падзяліўся меркаваннем аб перамозе над «Магілёвам» (6:0).

– Нядрэнны матч, але слабая рэалізацыя. Мы павінны былі яшчэ ў першым перыядзе вырашыць зыход матча. Моманты стваралі нядрэнныя, але мы можам лепш.

Затое заўзятары на трыбунах сёння запалілі, зараджалі – атмасфера найкруцейшая. Вельмі прыемна гуляць пры такой падтрымцы, мы іх адчуваем, і дзякуй вялікі кожнаму, хто ў гэтым сезоне падтрымлівае каманду!

– Гульцы мінскага «Дынама» сталі часцей трапляць у склад, як іх адзначыце?

– Малайцы, імкнуцца, сапраўды не магу сказаць, што адбываюць нумар – не. Ёсць, вядома, нюансы, недастатковае разуменне яшчэ, але пытанняў па самааддачы, па гульні ў мяне няма.

– Аляксандр Жыдкіх апынуўся сёння па-за складам па якой прычыне?

– Нічога асаблівага, ратацыя, трэба было паглядзець іншых гульцоў у справе, а Сашы крыху аднавіцца. Ён камандны гулец, той гулец, на якога мы абапіраемся і разлічваем, – лічыць Чупрыс.