Есаулаў пра 1:2 па булітах з «Шахцёрам»: «Хлопцы былі вартыя большага, чым адно ачко. У «Юнацтва» захварэлі гульцы, быў няпоўны склад»

Галоўны трэнер «Юнацтва» Яўген Есаулаў пракаментаваў паразу ад «Шахцёра» з лікам 1:2 па булітах.

– Хлопцы былі вартыя большага, чым адно ачко. Вельмі шмат жадаецца сказаць, але не магу. Добра згулялі, дзякуй рабятам, але, на жаль, без перамогі. Дзякуй вялікі балельшчыкам за падтрымку, было шмат народу. Спадзяюся, што будзе яшчэ болей на наступных гульнях.

– Заслугоўвалі большага ў гульнявым плане?

– Так, сваёй самааддачай. У нас захварэлі ігракі, быў няпоўны склад. Усе біліся, усе стараліся, але крыху не хапіла.

– Вы ўжо не падніміцеся вышэй, але і не апусціцеся ў табліцы. Гэта карабаціць? Або плэй-оф усё вырашыць?

– Зразумела, што плэй-оф усё вырашыць, усё расставіць па сваіх месцах. Прынамсі, павінна быць так. Шкада, што не ўзняліся вышэй, але мы рабілі для гэтага ўсё магчымае.

– Як вы сказалі, шэраг гульцоў захварэла. Іх больш не ўбачым у наступных хатніх гульнях?

– Складана сказаць, яны захварэлі толькі ў дзень матчу. Як пройдзе, можа заўтра змогуць вярнуцца ў строй, можа спатрэбіцца тыдзень, – сказаў Есаулаў.