Летаў – пра 0:3 у серыі з «Юнацтвам»: «Не можа быць, каб за 2 тыдні «Нёман» развучыўся забіваць, гуляць у хакей»
Галоўны трэнер «Нёмана» Яўген Летаў пракаментаваў паражэнне ад «Юнацтва» ў плей-оф Экстралігі (5:2, 3-0 у серыі).
– Вязе таму, хто вязе. Мы прайгралі барацьбу абсалютна на ўсіх участках. Хачу папрасіць прабачэння ў балельшчыкаў, што так дрэнна праводзім гэтую серыю.
– Гульню сёння пачаў у варотах Іван Палякоў, не лічыце гэта памылкай?
– Такое бывае. Тут ніхто не застрахаваны ад такіх рыкашэтаў. Вінаваціць яго я не збіраюся. Так здарылася.
–У серыі 0-3, адыходзіць няма куды. Як сабраць усе сілы?
- Паслязаўтра паглядзім, ёсць яны ў нас ці не, ці ёсць дух камандны.
– Куды знікла гульня лідараў: Андрушчанка, Іпатава, Паддубнага?
– Я не скажу, што яны выбітнае згулялі ў серыі з «Хімікам». Тут мне цяжка нешта сказаць. За два тыдні каманда развучылася забіваць, гуляць у хакей? Ды быць такога не можа. За дзень да першай гульні на трэніроўцы ўсё атрымлівалася, усё звінела. І раптам такая серыя... Мне незразумела, – сказаў Летаў.
