Усе квіткі на вырашальны матч паўфінальнай серыі «Нёман» – «Юнацтва» прададзеныя менш, чым за суткі

Усе білеты на вырашальны матч паўфінальнай серыі Экстралігі «Нёман» – «Юнацтва» прададзены менш, чым за суткі. Лядовы палац у Гродне ўмяшчае 2487 гледачоў.

Да раніцы 7 красавіка ўсе білеты на матч, у тым ліку і стоячы, былі распрададзены або забраніраваны.

6 красавіка ў шостым матчы серыі «Нёман» перайграў «Юнацтва» на выездзе (2:1) і зраўняў лік у серыі: 3-3. Раней каманда з Гродна прайгравала па серыях 0-3.

Вырашальны матч пройдзе ў Гродне 8 красавіка і пачнецца ў 13.55. Запуск гледачоў на арэну будзе ажыццяўляцца за 1 гадзіну 15 хвілін да пачатку матча.