Міхаiл Грабоўскі: «Рускі хакей – гэта іншы ўзровень. Гэта вялікі плюс для Беларусі. Нельга варыцца ва ўласным соку»
Генеральны менеджэр зборнай Беларусі Міхаіл Грабоўскі падзяліўся меркаваннем наконт цяперашняй каманды. Нагадаем, зборная Беларусі працягвае рыхтавацца да серыі матчаў супраць Расіі-25.
Нагадаем, што многія беларускія каманды і спартоўцы былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.
– Апошнія пяць гадоў мы прыцягваем шмат маладых хлопцаў. І гэты шлях выбраны, таму што сама сітуацыя нам не дае магчымасці ўдзельнічаць у чэмпіянатах свету і Алімпіядзе. Ёсць магчымасць прыцягваць моладзь, працаваць з ёй. У яе ёсць будучыня. Калі паглядзець колькасць гульцоў, якіх мы праверылі, ніколі такой не было. Цяпер ёсць выбар. У мяне такога выбару не было. Калі я прыязджаў, былі адны ветэраны.
Цяпер побач з імі такія ж маладыя хлопцы, сярод іх ёсць канкурэнцыя. А для нас гэта перспектыва на будучыню мець добрых хакеістаў у зборнай краіны. Плюс ёсць МХЛ. Гэта вялікая перавага. Не разумеў, чаму шмат год у нас не было каманды ў лізе. Многія пакуль яшчэ не гатовы гуляць сярод дарослых. Але, выступаючы ў маладзёжцы, яны ўжо атрымліваюць вопыт гульні з будучымі майстрамі.
Рускі хакей – гэта іншы ўзровень. Гэта вялізны плюс для нас. Нельга варыцца ва ўласным соку.
Ці можна стварыць прадукт чэмпіянату Беларусі і нічога не рабіць? Для нас прадукт толькі тады, калі яго можна прадаць некуды потым. Канкурэнцыю ніхто не адмяняў. Будзе канкурэнцыя – будзем расці. Будзе выбар. МХЛ – гэта прыступка. Гэта правільны этап для развіцця нашых маладых ігракоў. Ад беларускага чэмпіянату, МХЛ да КХЛ. Гэтыя ўсе праекты робяць наш хакей лепш, – сказаў Грабоўскі.