– Віншую балельшчыкаў і каманду з перамогай! Цяжкі матч, думаю з-за таго, што наклаўся адбітак з Кубка Салея і першай гульні чэмпіянату. Тры гульні прайгралі, у хлопцаў пайшла ўпэўненасць, мала кідкоў і няма накіраванасці на вароты. У трэцім перыядзе перастроіліся, дацярпелі, забілі гол і перамаглі.

– Каўгарэня закідвае другую гульню, Кастко атрымлівае больш гульнявога часу, моладзь заўсёды ў гульні. Наколькі заўважны прагрэс маладых гульцоў?

– Мы заўсёды давяраем моладзі. Калі яны дацягваюць да ўзроўню экстралігі, то яны павінны гуляць і развівацца, гэта пойдзе ім на карысць. Ратацыя адбываецца з-за таго, што моладзь гуляе нестабільна на працягу сезона, таму ставім тых, хто лепш гатоў на дадзеным этапе. Плюс мы заўсёды сочым за хлопцамі з «Юнiёра», звяртаем на іх увагу. У кожнага з іх ёсць шанц быць у асноўнай камандзе.

– Пачынаецца фармат спараных гульняў, як асабіста вам такі графік?

– Цікавы фармат. Другая гульня таксама будзе цікавай. Лічу, што заўзятарам такое таксама падабаецца. Плюс эканоміць час і рэсурсы.

– Няма ідэі, што гульні будуць дакучаць за чатыры дні?

– Не, бо плэй-оф жа не дакучае. Тамака справа і да сямі гульняў запар даходзіць. Гэта не цэлы месяц гуляць з адной камандай.

– Адна шайба за 60 хвілін – гэта працяг праблемы рэалізацыі?

– У нас ёсць моманты для кідка, але хлопцы імкнуцца разыграць да пустых варот. Мы просім кідаць, нацэльваць на вароты. Думаю, што хлопцы хутка гэта зразумеюць, – сказаў Касцючонак.

Аўтар: bytribuna com

Крыніца: hockey.by