– Добры баявы матч. Спадабалася, што добра выходзілі з-пад ціску, кантралявалі шайбу ў сярэдняй зоне, не адкідваліся, адкрываліся адзін пад аднаго, камбінавалі.

Не спадабалася наша большасць, «пяць на тры» – гэта наогул… Добра, мы ў апошні час не трэніравалі гульню «пяць на тры», не было Каткова, але гэта хакей – дасведчаныя гульцы, і так рэалізоўваць, рухаць шайбу, не мець нікога перад варотамі, расставіцца ў гэтым канверце... Вось гэта мне не зразумела, шчыра кажучы. «Пяць на тры» мы праўда не трэніравалі, таму што нам ніколі не даюць гуляць «пяць на тры», скажам так.

У меншасці хлопцы малайцы, добра адпрацавалі, блакіравалі шмат шайб. Але, вядома, хвалююць траўмы.

– Сяргей Леанідавіч, што можаце сказаць пра фізічны стан Іллі Жукоўскага? (Жукоўскі страціў прытомнасць падчас матчу – Tribuna.com)

– Наклалі яму сем швоў, у яго пералом вуха, невялікае страсенне, але, дзякуй богу, абышлося, я думаў, што будзе горш.

– У Жлобіне ў гэтыя выходныя будзе праходзіць Кубак Сяброўства, ці паедуць туды гуляць запрошаныя хакеісты «Гомеля»?

– Вядома, паедуць. Гэта наша вобласць, трэба дапамагаць, хоць успамінаецца Кантынентальны кубак: калі я папрасіў двух гульцоў, Цімірова і Маструкова, то нам сказалі, што гэта вельмі высокааплатныя гульцы і мы не можам рызыкаваць іх здароўем. Але мы дапамагаем, гэта адна вобласць, клубы прадстаўляюць беларускі хакей, павінны ўсё зрабіць для перамогі, – сказаў Стась.

Аўтар: Андрэй Кавалевіч

Крыніца: hockey.by