Арцём Леўшуноў: «Крута пабіць рэкорд Салея на драфце. Дай Бог дасягнуць такога ж па матчах. Усё праз працу»
18-гадовы беларускі абаронца Арцём Леўшуноў распавёў пра свае мэты ў НХЛ.
Нагадаем, што ўраджэнец Жлобіна быў абраны «Чыкага» пад другім нумарам на драфце НХЛ, тым самым пабіўшы рэкорд Руслана Салея, які ў 1996 годзе абраны пад агульным 9-м нумарам «Анахаймам».
– Ты пабіў рэкорд Руслана Салея, ніколі яшчэ беларускага гульца не драфтавалі так высока. Што гэта значыць для цябе?
– Вядома, гэта крута – пабіць яго рэкорд. Але праца працягваецца, шмат яшчэ наперадзе. Да многага трэба імкнуцца. Але гэта, вядома, крута для мяне, вельмі прыемна.
– Як адчуваеш сябе ў ролі галоўнай хакейнай надзеі Беларусі?
– Добра! Прыемна, але гэта толькі пачатак. Драфт драфтам, але праца толькі пачынаецца. Многае яшчэ трэба зрабіць.
– Адзін рэкорд Салея ты ўжо пабіў, цяпер трэба пабіць іншы, па матчах у НХЛ?
– Так, дай Бог дасягнуць такога ж. Гэта ўсё толькі праз працу.
– Ставіш сабе вялікія мэты ў НХЛ – выйграць «Норыс Трофі», напрыклад, ці пакуль пра такія рэчы не думаеш?
– Так, вядома, па максімуме! Жадаецца дасягнуць усяго, што можна.
– «Норыс Трофі» і Кубак Стэнлі кожны год?
– Можа, не кожны год… Але было б крута кожны год! Паглядзім, працуем. Гэта толькі пачатак, – сказаў Ляўшуноў.
