Краўчанка пасля 4:3 над «Хімікам»: «Замест таго, каб самім праводзіць атакі, прапускалі контратакі»

Галоўны трэнер «Металурга» Дзмітрый Краўчанка падзяліўся меркаваннем аб матчы з «Хімікам» (4:3) у Экстралізе.

– Добры матч, напружаны. Мы вельмі моцна і магутна правялі першы перыяд, не вельмі выдатна другі, але завяршылі яго ўнічыю. Стварылі сабе шмат праблем, былi страты ў сярэдняй зоне.

Замест таго, каб самім праводзіць атакі, прапускалі контратакі, а гэта 7-8 момантаў, якія мусілі завяршацца па-іншаму пры нашых правільных дзеяннях. Гэта прыводзіла да праблем, марнавалі сілы не туды, дарма.

Трэці перыяд быў гульнявы. Знайшлі ў сабе сілы, дзесьці дадалі, пераламалі, зарабілі большасць, рэалізавалі, – сказаў Краўчанка.