Дзмітрый Краўчанка: «Заключылі заклад з заўзятарамі «Металурга»: у выпадку перамогі сёлета фарбую галаву ў чырвона-сіні колер»

Галоўны трэнер дзейнага чэмпіёна Экстралігі «Металурга» Дзмітрый Краўчанка распавёў пра заклад з заўзятарамі клуба.

– Вы любіце заключаць розныя заклады, асабліва ў плэй-оф. На што гатовы паспрачацца дзеля чацвёртага тытула запар?

– А я ўжо паспрачаўся! Нават фарбу купіў, стаіць у кабінеце! Яшчэ ў канцы мінулага сезона заключылі заклад з заўзятарамі, што ў выпадку перамогі ў гэтым чэмпіянаце фарбую галаву ў чырвона-сіні колер. Кажу: дабро, так і будзе, – распавёў Краўчанка.

У бягучым сезоне «Металург» ідзе на трэцім месцы ў турнірнай табліцы рэгулярнага чэмпіянату, адстаючы ад лідэраў на чатыры ачкі.