Мацярухін пасля 3:5 ад «Авіятара»: «Не можа брамнік цягнуць увесь сезон. Трэба, каб і каманда дапамагла»

Галоўны трэнер «Магілёва» Аляксандр Мацярухін падзяліўся меркаваннем аб матчы з «Авіятарам» (3:5) у экстралізе.

– Мы нядрэнна пачалі матч, але не змаглі забіць. Супернік добра скарыстаўся сваімі момантамі. Мы папярэджвалі гульцоў, што лёгкіх матчаў не будзе.

Тут не важна, з кім гуляеш. «Авіятар» абыграў «Гомель» і ў другім матчы маглі гэта паўтарыць. У іх быў добры шанец. Нічога новага я не скажу.

Добры матч – пачалі нядрэнна, але потым разгубіліся. На жаль, у нас ужо не ў першым матчы, мы то пачынаем добра, то заканчваем. Заўтра паглядзім відэа, разбяром некаторыя памылкі і будзем рыхтавацца да наступнага матчу.

– З боку здалося, што брамнікі сёння не выручылі. Згодны з гэтым?

– Як сказаў мой калега: іх варатар падцягнуў, а ў нашага, відаць, быў не яго дзень. Хацелася б крыху лепшага. Але, на жаль, так бывае.

Не можа брамнік цягнуць увесь сезон. Трэба, каб і каманда памагла. Сёння атрымлівалася так, што каманда не надта дапамагала.

Да брамнікаў якія прэтэнзіі? Яны і так увесь сезон б'юцца, ловяць, як могуць, імкнуцца. Трэба, каб уся каманда памагала. Сёння ўсе вінаватыя.

– Руслан Наўрузаў два месяцы «маўчаў» і нарэшце перапыніў безгалявую серыю. Задаволены гэтым фактам?

– Правільна вы сказалі: нарэшце прарвала. Ці задаволены я? А чым быць задаволеным? Тое, што ён два месяцы маўчаў, а сёння забіў два галы?

Дык ён – легіянер, ён гэта павінен рабіць, гэта яго праца. І не толькі яго, але і іншых хлопцаў. Гэта легіянерскі хлеб. Яны павінны гэта рабіць увесь час, а не праз два месяцы. Таму я не магу быць задаволеным, – сказаў Мацярухін.