– Добрая гульня. Добры трэці перыяд. Не вельмі шмат дазвалялі суперніку. Адзінае: два бясталентных большасці ў трэцім перыядзе. Аддалі ініцыятыву. З гэтай камандай трэба было даціскаць, у першым перыядзе большасць была нядрэнная. А так, усё спадабалася.

– Калі чакаць вяртання дзюбе, Пышкайла, Дзянісава?

– Дзюбе нават не паехаў з намі. Ён не трэніруецца. Яму трэба загаіць усе моманты і падрыхтавацца. Пышкайла наўрад ці хутка вернецца. У Дзянісава – пнеўманія.

– Ці можна вылучыць нейкі ключавы момант у матчы? Ці ўсім задаволеныя, акрамя большасці?

– Калі казаць пра большасць, то проста аддалі ініцыятыву. Гэтую каманду баяцца не трэба. Так, супернік моцны фізічна, нахабны. Разумелі, што будуць гуляць у цела, да канца. У гэтым мы спраўляліся. Як я сказаў, трэці перыяд нам атрымаўся з ЦСКА.

– Абыгралі ЦСКА, які быў вышэй у табліцы. Там усё шчыльна. Ці ёсць апетыт падняцца вышэй? Якое месца Вас задаволіць?

– Так далёка дакладна не загадваем. Нам трэба выйсці ў плэй-оф, шукаць сваю гульню. У нас няпростая паездка, яшчэ дзве гульні ў Маскве. Вялікі плюс, што будзем у гэтым рэгіёне, не трэба ляцець і доўга ехаць. Адштурхоўваемся ад сваёй гульні, матч за матчам. Абыграць ЦСКА – гэта добра для нас.

– Няма варыянтаў каб «Дынама» не трапіла ў плэй-оф. Многія ўжо рыхтуюцца. Маральна для «Дынама» прынцыпова падняцца ў верхнюю чацвёрку на Захадзе?

– У нас добрая Арэна ў Мінску. Там шыкоўная атмасфера. Нам хацелася б пачаць серыю дома і мець перавагу. Але ў плэй-оф бываюць казкі. У мяне ў кар'еры бывала, што прайграваў дома, выйграваў на выездзе. Трэба будзе знайсці сваю гульню.

– Улічваючы, што цяперашні рэгулярны чэмпіянат працягнецца на месяц даўжэй, наколькі гэта нязвыкла для вас у плане выбудоўвання трэніровачнага працэсу?

– У ліпені быў каляндар. План у галаве быў. У нас забіралі палац, і гэтыя гульні, якія ідуць цяпер, нам разбілі. Вось гэта трошкі для нас незвычайна. Мы выходзілі з гэтага становішча, калі каманды ў сезоне набіралі ход. То выйграваеш, то прайграеш. Вядома, існуюць паўзы ў чэмпіянаце. Мы гэта разумелі з самага пачатку сезона. Ніякага сюрпрызу не было. Рыхтуем каманду, разумеем усё. Галоўнае было: абысці чараду траўмаў, – сказаў Квартальнаў.

Аўтар: Юрый Дыбоўскі

Крыніца: hcdinamo.by