24 сакавіка ў 15:00 на сайце ticketpro.by пачаўся продаж квіткоў на першыя два матчы серыі першага раунда Кубка Гагарына паміж мінскім «Дынама» і маскоўскім ЦСКА.

Продаж квіткоў на плэй-оф праходзіць у тры этапы. На першым прыярытэтнае права на іх набыццё атрымліваюць уладальнікі абанементаў.

Затым у свабодны доступ трапляюць білетныя пакеты на абодва дамашнія матчы, якія запланаваны на 26 і 28 сакавіка.

У панядзелак адкрылася магчымасць купіць білеты на кожную з гэтых гульняў паасобку.

Адразу пасля гэтага старонка аператара перастала адказваць. Тое ж самае здарылася і з афіцыйным сайтам «Дынама».

Кошт квіткоў на адзін матч – ад 30 да 200 рублёў.

Аўтар: Iгнат Калiнiн

Крыніца: betnews.by