Сэм Анас: «Мінскае «Дынама» імкнулася пачаць плэй-оф КХЛ дома. Кубак Гагарына – рэспектабельны турнір, ён шануецца ва ўсім свеце»

Амерыканскі нападаючы мінскага «Дынама» Сэм Анас падзяліўся чаканнямі ад старту плэй-оф КХЛ. У першым раундзе каманда згуляе з ЦСКА.

– Выдатнае самаадчуванне. Атмасфера ў камандзе таксама крутая. Паспяхова завяршылі рэгулярны чэмпіянат.

Занялі высокую пазіцыю і пачнем серыю плэй-оф на дамашнім лёдзе. Гэта тое, да чаго мы імкнуліся, так што ўсё добра. Плэй-оф – самы важны час у сезоне.

– Ці можаце сказаць, што ўдзел у Кубку Гагарына – самы яркі час у вашай кар'еры?

– Так, плэй-оф – іншы тып турніру, і мне даводзілася прымаць у ім удзел у розных студэнцкіх лігах. Нажаль, у іх я не перамагаў.

Затое двойчы дайшоў да фіналу Кубка Колдэра, адзін з іх выйграў.

Цяпер выступаю ў Кубку Гагарына, гэта вельмі рэспектабельны турнір, які шануецца ва ўсім хакейным свеце. І я вельмі натхнёны ў ім паўдзельнічаць, – сказаў Анас.