Трэнер «Гомеля» Копаць: «Мне здаецца, што ў паўфінале не можа быць невясёлага хакея»
Галоўны трэнер «Гомеля» Уладзімір Копаць пракаментаваў стартавую гульню паўфінальнай серыі з «Віцебскам» (0:2).
– Прайгралі першы матч паўфіналу. Дзякуй нашым заўзятарам за тое, што прыехалі і падтрымлівалі каманду. Будзем рыхтавацца да наступнага матчу.
– Антона Елісеенкі не было ў складзе ўжо некалькі матчаў, як хутка можна яго чакаць?
– Не магу сказаць, у плэй-оф па гульцам гэта закрытая інфармацыя.
– Здаецца, што крыху ў вашай каманды не атрымаўся першы перыяд, асабліва яго пачатак, калі прапусцілі шайбу. Ці сапраўды старт сустрэчы не атрымаўся?
– Калі прайгралі, то старт не атрымаўся.
– Чаму гледачам варта сачыць за вашым супрацьстаяннем з «Віцебскам», чым яно будзе цікавае для іх? Поўнач супраць поўдня, дзіўная гісторыя.
– Мне здаецца, што ў паўфінале не можа быць невясёлага хакея, таму заўзятарам варта за ім сачыць, – сказаў Копаць.
