– Складаны матч. Зразумела, што нам адступаць не было куды, «Віцебск» хацеў закрыць серыю, таму дзве каманды змагаліся, але пашанцавала нам, мы атрымалі перамогу.

– Лік у серыі быў 3-1, што казалі хлопцам? Таму што права на памылку наогул не было.

– Казалі хлопцам, але я думаю, нешта, пра што мы казалі, застанецца ў нашай кухні. Хлопцы правільна ўсё ўспрынялі і выканалі ўстаноўку на гульню.

– Але ў пачатку прапусцілі. Што адбывалася ў гэты момант на лаўцы і потым у распранальні?

– У распранальні нічога не адбывалася, мы проста разабралі моманты, працягвалі гуляць. Гэта быў толькі першы перыяд, таму нічога, усё спакойна разабралі і пайшлі ў гульню далей.

– У чым цяпер сіла Гомеля? Ці дадасць гэтая перамога эмоцый, упэўненасці ці ж «Гомель» і так цалкам упэўнены ў сабе і нічога ад гэтага не зменіцца?

– Мы заўсёды гулялі і змагаліся да канца, таму і ў гэтым матчы мы змагаліся і змагаліся за перамогу. Гэта наша крэда па сезоне, мы нічога не мянялі, працавалі ўсе 60 хвілін, таму і атрымалі перамогу. Так, дзесьці былі памылкі, але хлопцы выпраўлялі іх. І ў папярэдніх матчах мы гулялі не так дрэнна, проста бываюць такія дні, што шайба не ідзе ў браму. Сёння хлопцы заслужылі перамогу.

– А чым менавіта заслужылі?

– Забілі на адзін гол больш, а потым яшчэ і ў пустую браму. Сваім характарам, працай.

– Сёння на трыбунах быў вялікі дэсант гомельскіх заўзятараў. Як вам Падтрымка на гэтых выязных матчах?

– Я ўжо сказаў, што сёння нашы заўзятары перакрычалі віцебскіх. Я думаю, што дзякуючы ім гэты гол і адбыўся, таму што ўсе 60 хвілін мы чулі іх, працавалі і для іх, і для сваіх родных і блізкіх, якія чакаюць нас у Гомелі на наступны матч.

– У Гомелі не ўдалося парадаваць сваіх заўзятараў, што трэба зрабіць, каб у вас дома ўсё пайшло так, як трэба?

– У прынцыпе, там усё ішло так. Я ўжо сказаў, што мы правялі два добрыя матчы. Аднак так бывае, калі ты добра гуляеш і не атрымліваеш вынік. Але гульня ёсць, трэба, вядома, выключыць некаторыя памылкі, якія мы ў першай сустрэчы дапусцілі, падцягнуць рэалізацыю – і мы зраўняем лік у серыі.

– Наколькі задаволеныя лідарамі каманды? Відавочна, што Івана Сякерына бралі на лідарскую ролю, ён сёння закінуў. Як вам хлопец у гэтым баі? Магчыма, ён не зусім бачны з пункту гледжання галоў і перадач, але наколькі ён выконвае тое, што ад яго патрабуецца?

– Ну пачакайце, не ў гэтым жа яго сіла, бачны ён ці не бачны. Добрага гульца мы рэдка бачым, а ён па ачках у нас на лідарскіх пазіцыях. У нас ёсць іншыя гульцы, да якіх маецца больш прэтэнзій, чым да Івана, ён сваю працу выконвае. Так, ён мог бы больш забіваць, але гэта не праблема. Заўсёды ж адбываецца так: калі ты працуеш, то потым цябе ўзнагароджвае хакейны бог. Таму Ваня працуе, усё наперадзе, – сказаў Копаць.

Аўтар: Юрый Дыбоўскі

Крыніца: ФХБ