НХЛ: асіст Шаранговіча дапамог «Калгары» абыграць «Лос-Анджэлес», «Пітсбург» Калячонка перамог «Вашынгтон» без Протаса і іншыя вынікі
У ноч на 18 красавіка прайшлі чарговыя матчы рэгулярнага чэмпіянату НХЛ.
«Філадэльфія» Аляксея Коласава саступіла «Бафала» (4:5). Беларус правёў на лёдзе 58:49, прапусціў 4 шайбы (з іх 3 у роўных саставах і 1 у большасці), зрабіў 26 выратаванняў.
«Пітсбург» Уладзіслава Калячонка перамог «Вашынгтон» Аляксея Протаса (5:2). Калячонак правёў на лёдзе 13:50, нанёс 1 кідок, зрабіў 3 сілавыя прыёмы і зарабіў паказчык карыснасці «-1». Протас не патрапіў у заяўку з-за траўмы.
«Калгары» Ягора Шаранговіча на выездзе абыграў «Лос-Анджэлес» (5:1). Беларус правёў на лёдзе 15:21 (з іх 2:05 у большасці, 0:19 у меншасці), набраў 1 (0+1) ачко, нанёс 1 кідок, заблакаваў 1 кідок, зрабіў 1 перахоп, дапусціў 2 страты і зарабіў паказчык карыснасці «0».
НХЛ
Рэгулярны чэмпіянат
«Бафала» – «Філадэльфія» – 5:4 (3:1, 1:1, 1:2)
«Каламбус» – «Айлендэрс» – 6:1 (0:0, 5:0, 1:1)
«Атава» – «Караліна» – 7:5 (3:2, 0:3, 4:0)
«Пітсбург» – «Вашынгтон» – 5:2 (1:1, 2:1, 2:0)
«Рэйнджэрс» – «Тампа-Бэй» – 4:0 (0:0, 1:0, 3:0)
«Таронта» – «Дэтройт» – 4:3 АТ (1:1, 0:2, 2:0, 1:0)
«Лос-Анджэлес» – «Калгары» – 1:5 (0:0, 0:1, 1:4)
