Сяргей Стась – пра бан: «Зборная Беларусі, напэўна, толькі набыла. У эканоміцы ідзе імпартазамяшчэнне. Хочацца спаборнічаць з топ-краінамі»

Галоўны трэнер «Юнацтва» Сяргей Стась падзяліўся меркаваннем пра адхіленне зборнай Беларусі ад міжнародных спаборніцтваў.

Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.

– Праз два тыдні ў Даніі і Швецыі стартуе чэмпіянат свету па хакеі. Зборная Беларусі прапусціць ужо чацвёрты запар топ-турнір.

– Правяду паралель з усімі санкцыямі ў любых напрамках.

Хтосьці скажа, што мы сталі горш ці ў нечым прайгралі, але мне здаецца, што ў плане росту мы нічога не страцілі.

У той жа эканоміцы ідзе імпартазамяшчэнне і ў іншых сферах знаходзяцца варыянты развіцця.

Вядома, хочацца спаборнічаць з топ-краінамі. Але моладзевая і нацыянальная зборныя Расіі – вельмі моцныя каманды, – сказаў Стась.