Славак Расандзіч на пытанне пра гульню ў Расіі падчас вайны: «У КХЛ добра плацяць, вось у чым прычына, кар’ера кароткая»

Абаронца зборнай Славакіі Міслаў Расандзіч распавёў пра свой выступ за расійскую «Ладу» ў сезоне-2023/24.

— Што вы думаеце пра тое, што славацкія хакеісты гуляюць у Расіі падчас вайны?

— Кожны гулец робіць тое, што лічыць правільным. У кожнага свае прычыны.

— Вы і самі там гулялі?

— Так, я гуляў там у мінулым годзе.

— Чаму?

— Таму што. У мяне былі свае прычыны.

— Ці можаце вы назваць іх?

— Усе ведаюць, што там добра плацяць. Вось у чым прычына. Кар'ера хакеіста кароткая.

— КХЛ падтрымлівае расійскую армію.

— Я не ведаю. У кожнага свае справы і думкі. Цяжка сказаць, я не ведаю. У вас ёсць сваё меркаванне, а ў мяне — сваё. У кожнага сваё меркаванне аб тым, што правільна, а што не. Гэта трэба паважаць.

— Значыць, грошы важныя для вас?

— Так, — сказаў Расандзіч.