Квартальнаў працягвае ўваходзіць у спіс кандыдатаў на пасаду галоўнага трэнера ЦСКА («СЭ»)

Расійскі галоўны трэнер мінскага «Дынама» і зборнай Беларусі Дзмітрый Квартальнаў можа вярнуцца ў маскоўскі ЦСКА.

Клуб разглядае Квартальнава ў якасці пераемніка Іллі Вараб'ёва.

– Разглядаюцца кандыдатуры Дзмітрыя Квартальнава і Віктара Казлова. Зрэшты, апошні напэўна застанецца ва Уфе. Ёсць і прозвішча Сяргея Ганчара, які працуе ў «Ванкуверы» трэнерам па развіцці, – паведамляе «СЭ».

Раней Квартальнаў узначальваў ЦСКА з 2014 па 2017 год.

У сезоне-2024/25 ЦСКА выбыў у першым раундзе плэй-оф – у серыі з мінскім «Дынама» (2-4).