Дзяўчына, якая абвінаваціла гульца мінскага «Дынама» Дзюбэ ў гвалце – пра свой смех падчас працэсу: «Паводзіла сябе так, каб зладзіцца з сітуацыяй»
У судзе па справе цяперашняга форварда мінскага «Дынама» Дылана Дзюбэ і яшчэ чатырох хакеістаў моладзевай зборнай Канады-2018, якія абвінавачваюцца ў сексуальным гвалце, пачаўся допыт пацярпелай.
– Я думаю, што я паводзіла сябе такім чынам, таму што была п'яная. Лічу, што паводзіны іншых людзей варта падвяргаць сумневу.
– У 2018 годзе вы сказалі паліцыянту, што ім гэта было «смешна». Вы таксама паводзілі сябе так, быццам гэта было пацешна. І смяяліся.
– Магчыма, я паводзіла сябе так, каб справіцца з сітуацыяй, але гэта не было тым, пра што я прасіла.
– Калі вы пачулі, што хтосьці можа сесці на шпагат, вы ляглі, а мужчына, які быў у шортах, перасягнуў праз вас. Вы паспрабавалі ператварыць гэта ў сэксуальны кантакт, а потым пацягнуліся і паспрабавалі дакрануцца да яго, а хлопчык адхіліўся.
– Я не памятаю гэтага. Геніталіі хлопца закранулі мяне.
– Гэта першы раз, калі вы сказалі гэта за сем гадоў. У 2022 годзе вы змянілі паказанні на «бескантактны працэс», - заключыў адвакат.
Допыт працягнецца 14 траўня. У гэты дзень задаць пытанні пацярпелай змогуць абвінавачаныя хакеісты.
