У верасні «Дынама» сабрала аншлагі на ўсіх трох матчах у КХЛ – вось чым забаўляюць гледачоў
Тэматычныя матчы, ручнікі, расійская папса.
Першы месяц КХЛ сезона 2024/25 для мінскага «Дынама» прайшоў нядрэнна: каманда здолела перамагчы ў пяці з васьмі стартавых сустрэч, прычым у матчах, дзе прайгравала, фаварытамі не лічылася.
За верасень «Дынама» правяло тры хатнія гульні, і на кожнай 15-тысячная «Мінск-Арэна» збірала аншлаг. Расказваем, што цікавага там адбывалася.
Сезон «Дынама» пачало з хатняй перамогі над «Амурам» (3:0). Перад матчам адкрыцця на арэне было лазернае шоу і прэзентацыя каманды:
«Мінск-Арэна» спявала ўжо стаўшую традыцыйнай «Сівую ноч» ад расійскага поп-гурта «Ласковый май» пад раяль. Увогуле, гэтую песню клуб называе «мелодыяй перамогі».
Яшчэ адна традыцыя на матчах «Дынама» – прапанова рукі і сэрца. Чарговая такая падзея адбылася на матчы адкрыцця:
Да першага хатняга матчу «зубры» падрыхтавалі для кожнага заўзятара падарунак – ручнік з лагатыпам клуба:
Па задумцы маркетолагаў, гледачы мусілі зладзіць з іх «ураган». Наогул гэтую ідэю «Дынама» запазычыла ў «Ванкувера». Там традыцыя называецца Towel Power, або «Улада ручніка» і бярэ пачатак у 1982 годзе, калі ў фінале канферэнцыі супраць «Чыкага» трэнер «Ванкувера» Роджэр Нэйлсан завязаў белы ручнік у знак пратэсту супраць судзейства. Калі серыя пераехала ў Ванкувер уся хатняя арэна была абсыпаная ручнікамі, а заўзятары імі актыўна размахвалі. У той серыі «Ванкуверу» ўдалося перамагчы, а такія паводзіны сталі традыцыяй, якая жыве пагэтуль. І сёння да кожнай гульні плэй-оф клуб закупляе больш за 20 тысяч ручнікоў. У «Дынама» не выключаюць, што на матчах плэй-оф, калі, вядома, удасца туды патрапіць, акцыя з ручнікамі паўтарыцца.
Наступная хатняя гульня «Дынама» адбылася 21 верасня, і ў ёй атрымалася перамагчы «Поўначсталь» 3:1. Гэты матч ужо быў тэматычным – прайшоў у стылі 90-х. На гульню некаторыя хакеісты прыехалі на машынах і ў адзенні таго часу:
Офіс клуба таксама быў апрануты ў стылі 1990-х:
У фан-зоне таго матча была тэматычная зона для фотасесій:
А яшчэ гульнявая зона, дзе на спецыяльных апаратах можна было пагуляць у гульні 1990-х:
Плюс салон прыгажосці, дзе можна было нафарбавацца ў тагачасным стылі:
Трэцяя дамашняя гульня «Дынама» была таксама супраць «Поўначсталі», але гэтым разам «зубры» саступілі 2:3. Матч ладзіўся ў стылістыцы 2000-х:
На гульню некаторыя хакеісты «Дынама» прыехалі на БМВ цюнінгаваным пад культавую гульню 2000-х Need For Speed, а прэс-служба выклала відэа пад трэк Limp Bizkit Rollin, які быў саўндтэкам у першай частцы Undeground:
На лёд хакеісты выходзілі пад песню расійсакга гурта «Банд'Эрас» – «Каламбія Пікчэрз не прадстаўляе»:
А ў фан-зоне гучаў яшчэ адзін хіт таго часу – «А чё чё» ад беларускай выканаўцы Б’янкі:
На матчы ганаровымі гасцямі сталі фрыстайлісты: алімпійская чэмпіёнка Ганна Гуськова і Павел Дзік, які гэтым летам аб’явіў пра завяршэнне кар’еры. Лыжнікі распавялі, што шчыра хвалююцца за «Дынама», а яшчэ паказалі некалькі танцавальных рухаў:
На ўсіх матчах «Дынама» застаецца, як і ў мінулыя гады, фан-зона, дзе ёсць розныя фотазоны, кропкі продажу атрыбутыкі, аэрахакей, фангрым, фотабудкі, розныя гульнявыя і дзіцячыя зоны.
Іншыя пасты карыстальніка
