Бойка брамнікаў у КХЛ: беларус паехаў на традыцыйнае пацісканне рук пасля гульні, а атрымаў па твары

11 лютага пасля матчу КХЛ паміж «Ак Барсам» і ніжагародскім «Тарпеда» адбылася масавая сутычка, якая пачалася з канфлікту беларускага брамніка Івана Кульбакова і яго візаві Аміра Міфтахава.

Беларус за хвіліну да канца сустрэчы ударыў нападніка казанцаў Мікіту Дыняка, а ў выніку атрымаў адказ ад Міфтахава падчас традыцыйнага пасляматчавага паціскання рук:

ВІДЭА

– Мне не спадабаўся эпізод, дзе Мікіта Дыняк атрымаў ад Івана Кульбакова непрыемны ўдар клюшкай. Мяне гэта падагравала, задаў яму пытанні. Далей ужо асабістае, – пракаментаваў сутычку Міфтахаў.

Дарэчы, за фол на Дыняку беларускі брамнік атрымаў 2-хвілінны штраф. Але тое не дапамагло «Ак Барсу ўратавацца ад паразы 1:5.

Дзякуючы гэтай перамозе «Тарпеда» замацавалася на 8-м радку Заходняй канферэнцыі (зона плэй-оф). Ніжагародцы на адзін бал адстаюць ад мінскага «Дынама», у якога ёсць тры гульні ў запасе.

Топ-матч ЧБ з рэкордам па шайбах прайшоў на нейтральнай пляцоўцы – i не адзiн ён выселены ў iншы горад «марафонам» за дыктатуру