Навіны

Пераможца юнацкага ЧС-2019 Банько дыскваліфікаваны на два гады з-за марфіну

23 лістапада, 17:49
0

20-гадовы Дзмітрый Банько, пераможца юнацкага ЧС-2019 па грэка-рымскай барацьбе, дыскваліфікаваны НАДА на два гады з 25 мая 2022-га. У яго допінг-пробе выяўлены марфін – наркатычнае рэчыва, якое валодае болесуцішальным і заспакаяльным дзеяннем.

Вынікі Банько з пачатку 2022 года ануляваныя. У студзені ён стаў бронзавым прызёрам дарослага ЧБ.

Таксама НАДА выпісала трохгадовы бан яшчэ аднаму прадстаўніку грэка-рымскай барацьбы Мікіце Мяжэйнікаву з 14 верасня 2022-га. Яго вынікі ануляваныя з 10 сакавіка – даты, калі спартсмен выйграў першынство Беларусі U-20 і здаў пробу, дзе выявілі дыўрэцiк індапамід, які дзейнічае на сасуды і нырачную тканіну і выводзіць вадкасць з арганізма.