Дэлегацыя БФСС правяла сустрэчы ў Еўрапараменце і Еўракамісіі
28 лютага і 1 сакавіка дэлегацыя Беларускага фонду спартыўнай салідарнасці правяла працоўныя сустрэчы з прадстаўнікамі Еўрапарламенту і Еўракамісіі.
На сустрэчах абмяркоўваліся апошнія заявы МАК і рэакцыя на іх, прадстаўлены праекты падтрымкі ўкраінскіх атлетаў і беларускіх свабодных атлетаў, якія пацярпелі за сваю грамадзянскую пазіцыю. Асобна былі закранутыя пытанні санкцыйнай палітыкі ў спартыўнай галіне ў дачыненні да краін-агрэсараў.
Асобныя сустрэчы прадстаўнікоў Фонду адбыліся з:
- Дэпутатам Еўрапарламенту, адказным за спорт у Камітэце па культуры і адукацыі ЕП Томашам Франкоўскім;
- Намесніцай старшыні Камітэту па культуры і адукацыі ЕП Міхаэлай Cайдровай;
- Дырэктарам па пытаннях культуры, творчасці і спорту Еўрапейскай камісіі Георгам Хойслерам;
- Намеснікам старшыні Камітэту па культуры і адукацыі ЕП Рамэа Францам;
- Намеснікам старшыні Камітэту па замежных справах ЕП Вітольдам Вашчыкоўскім.
