СК Лукашэнка прад'явіў абвінавачанні намесніку дырэктара ЖЭУ з-за гібелі дзіцяці на спартыўнай пляцоўцы
Першамайскім раённым аддзелам следчага камітэта Лукашэнку было прад'яўлена абвінавачанне 24-гадовай намесніцы дырэктара ЖЭУ №1 Першамайскага раёна г. Мінска.
Нагадаем, што 30 лістапада стала вядома аб гібелі дзіцяці ў выніку падзення на яго футбольнай брамы на дзіцячай спартыўнай пляцоўцы па вуліцы Фогеля ў Мінску.
«Следчыя ўстанавілі, што адказнай за тэхнічны стан спартыўнай пляцоўкі з'яўлялася 24-гадовая намеснік дырэктара КУП «Жыллёва-эксплуатацыйны ўчастак №1 Першамайскага раёна г.Мінска». Пагарджаючы сваімі службовымі абавязкамі і выяўляючы крайнюю бестурботнасць, абвінавачаная «закрыла вочы» на паступаючыя заяўкі ад жыхароў раёна аб замацаванні варот. Непрынятыя меры да агароджы і прадухілення эксплуатацыі няспраўнага абсталявання супрацоўнікам жыллёвай арганізацыі, прывялі да гібелі 12-гадовага хлопчыка», – гаворыцца на сайце СК Лукашэнка.
Паведамляецца, што да падазронай «ужыта мера стрымання ў выглядзе асабістага паручальніцтва».