Міністр унутраных спраў Германіі: «Рашэнне МАК з'яўляецца аплявухай для ўкраінскіх спартсменаў»

Міністр унутраных спраў Германіі Нэнсі Фейзер пракаментавала рэкамендацыю МАК міжнародным спартыўным федэрацыям вярнуць расійскіх і беларускіх спартсменаў.

«Рашэнне МАК зʼяўляецца аплявухай для ўкраінскіх спартсменаў. Яны заслугоўваюць салідарнасці міжнароднага спорту. Менш за ўсё, на што можа разлічваць Украіна – дакладнай пазіцыі. Міжнародны спорт павінен адназначна асудзіць жорсткую расейска-агрэсарскую вайну.

Гэта магчыма толькі пры поўным выключэнні расійскіх і беларускіх спартоўцаў. Той факт, што МАК не хоча дапускаць расійскіх вайскоўцаў ці каманды, зʼяўляецца абсалютным мінімумам і недастатковым.

Няма ніякіх прычын для вяртання Расіі ў сусветны спорт. Пуцін працягвае сваю злачынную вайну з жахлівай жорсткасцю супраць мірнага насельніцтва Украіны. Расейскія вайскоўцы штодня забіваюць незлічоную колькасць украінцаў, у тым ліку шматлікіх спартсменаў. Алімпійскія гульні не праходзяць у вакууме.

Той, хто дазваляе распальвальніку вайны Расеі выкарыстоўваць міжнародныя спаборніцтвы для сваёй прапаганды, наносіць шкоду алімпійскаму ідэалу міру і міжнароднаму ўзаемаразуменню», – сказала Фейзер.