Вадзім Гутцайт: «Нам удалося дабіцца таго, што вырашэнне пытання допуску расіян і беларусаў да Алімпіяды-2024 адкладзена. Мы акцэнтавалі ўвагу на шматлікіх аспектах рэкамендацый МАК»
Міністр моладзі і спорту Украіны, прэзідэнт НАК Вадзім Гутцайт пракаментаваў рэкамендацыю МАК міжнародным спартовым федэрацыям вярнуць расейскіх і беларускіх спартоўцаў.
«Дзякуючы намаганням Прэзідэнта Украіны Уладзіміра Зяленскага і сумесным дзеянням Мінмаладзёжспорту, Нацыянальнага алімпійскага камітэта Украіны, Міністэрства замежных спраў Украіны, нацыянальных федэрацый па розных відах спорту і грамадскасці нам удалося дамагчыся таго, што вырашэнне пытання допуску расейцаў і беларусаў да Алімпіяды ў 2024 годзе адкладзена.
Сёння МАК прапанаваў рэкамендацыю для міжнародных спартыўных федэрацый, якія хочуць дапусціць да спаборніцтваў расіян і беларусаў, разглядаць гэтае пытанне толькі па індывідуальных выступленнях спартсменаў.
На міжнародных спаборніцтвах не будзе зборных каманд.
Забаронены допуск спартоўцаў і функцыянераў з дзяржаў-агрэсарак, якія падтрымліваюць вайну, вайскоўцаў або праваахоўнікаў.
Забаронена выкарыстанне любога колеру рускага і беларускага сцягоў у месцах правядзення спаборніцтваў, знаходжанні атлетаў, персанала і гледачоў.
Ніякіх нацыянальных сімвалаў, уключаючы эмблемы НАКаў і нацыянальных федэрацый. Нават ніякай музыкі, якая асацыюецца з РФ і РБ.
Забароненыя якія-небудзь выказванні ў падтрымку вайны да, падчас ці пасля спаборніцтваў, а таксама ў межах зносін з журналістамі.
Усе атлеты павінны прайсці тэставанне на допінг у адпаведнасці з антыдопінгавымі праграмамі міжнародных федэрацый, а не антыдопінгавымі арганізацыямі Расіі ці Беларусі.
Гэтыя правілы датычацца, перш за ўсё, тых федэрацый, якія ўжо вырашылі дапусціць расіян да міжнародных спаборніцтваў.
На многіх з гэтых аспектаў мы акцэнтавалі ўвагу на зносінах з міжнароднай спартыўнай супольнасцю. Іх улік – гэта важны крок.
Цяпер мы працягнем працаваць у гэтым жа кірунку, каб міжнародныя федэрацыі, якія яшчэ разглядаюць дадзенае пытанне, не мянялі сваю пазіцыю. А таксама прыкладзем сумесныя намаганні, каб ніводны z-патрыёт не трапіў на міжнародныя спартыўныя арэны.
Дзякуй усім, хто падтрымлівае нашу пазіцыю! Разам мы мацнейшыя. Трымаем наш фронт», – напісаў Гутцайт.