Алег Шэпель: «Азіяцкія, афрыканскія краіны разумеюць, што ў свеце ідзе больш за 70 войнаў. Мы пераканаліся: праўда на нашым баку»
Старшыня Паралімпійскага камітэта Беларусі (ПКБ) Алег Шэпель пасля допуску беларускіх спартсменаў да Паралімпіяды ў нейтральным статусе падзяліўся меркаваннем аб рэакцыі афрыканскіх і азіяцкіх краін.
– Томас Бах трымаў руку на пульсе?
– Вядома.
– Як гэта паўплывае на допуск зборнай Беларусі да Алімпіяды?
– Гэта меркаванне паралімпійскіх камітэтаў. У многіх краінах Алімпійскі рух – адзінае цэлае. Многія краіны – азіяцкія, афрыканскія – разумеюць, што на сённяшні дзень у свеце ідзе больш за 70 войнаў.
І калі мы будзем адчыняць гэтую скрыню Пандоры, то заўтра пад іншым ракурсам можна глядзець на канфлікт Арменіі з Азербайджанам, Косава з Сербіяй і так да бясконцасці.
Таму мы пераканаліся: праўда на нашым баку, мы нічога не парушалі. Многія нас падтрымалі, – сказаў Шэпель.
Нагадаем, што беларусы і расіяне не былі прадстаўлены на Паралімпіядзе-2022 у Пекіне, якая адбылася неўзабаве пасля пачатку поўнамаштабнага ўварвання РФ ва Украіну.
