Джо Роган – у спісе прэтэндэнтаў на ўзнагароду «Чалавек года» ад часопіса TIME
Часопіс TIME апублікаваў спіс прэтэндэнтаў на ўзнагароду «Чалавек года».
Часопіс адзначае, што «падкаст The Joe Rogan Experience, у якім Роган абмяркоўвае актуальныя падзеі, ужо пяты год запар стаў самым папулярным падкастам на Spotify у 2024 годзе, маючы ў сярэднім 11 мільёнаў слухачоў за эпізод.
Напярэдадні выбараў Роган апублікаваў трохгадзіннае інтэрв'ю з Дональдам Трампам. Некаторыя выбаршчыкі заявілі, што гэтае інтэрв'ю паўплывала на іх рашэнне.
Роган з'яўляецца супярэчлівай фігурай, паколькі ён сутыкнуўся з крытыкай за распаўсюджванне дэзінфармацыі пра COVID-19 у сваім шоў і выкарыстанне расавых абраз у мінулым».
Таксама Роган раскрытыкаваў рашэнне адміністрацыі прэзідэнта ЗША Джо Байдэна пра адмену абмежаванняў для Украіны на прымяненне дальнабойных ракет ATACMS па тэрыторыі Расіі.
У лік іншых прэтэндэнтаў увайшлі Камала Харыс, Кейт Мідлтан, Ілон Маск, Юлія Навальная, Беньямін Нетаньяху, Джэрам Павел, Клаўдзія Шэйнбаўм, Дональд Трамп і Марк Цукерберг.
