Tribuna.com шукае рэдактараў iGaming-раздзела на англійскай мове

Tribuna.com – гэта не толькі спорт, але і медыя пра iGaming на некалькіх замежных мовах, якое мы хочам далей развіваць.

Мы плануем запуск новых тыпаў кантэнту і сэрвісаў як для канчатковых карыстачоў, так і для бізнэсу. Калі вам блізкая гэтая тэма ці вы хацелі б у ёй разабрацца, то вы па адрасе.

Мы аб'яўляем вакансію: рэдактар ​​iGaming-раздзела з веданнем англійскай мовы.

Што трэба будзе рабіць:

– маніторынг навін iGaming-тэматыкі, выбар галоўных, іх адаптацыя і публікацыя;

– маніторынг ставачных трэндаў, праца са статыстыкай;

– напісанне прагнозаў на футбольныя матчы, аглядаў прапаноў асобных брэндаў;

– SEO-капірайтынг па зададзенай структуры і ключавых словах;

– пруфрыдынг чужых тэкстаў, а таксама праца з іншымі тыпамі бэтынгавага кантэнту.

Ад вас:

– разуменне індустрыі і жаданне развівацца ў ёй;

– безумоўна, любоў да футбола, разуменне ставак;

– веданне, чым вэйджар адрозніваецца ад тоталу і жаданне разбірацца з іншымі тэрмінамі;

– высокі ўзровень валодання англійскай мовай;

– уменне хутка думаць, хутка рабіць і агульная стрэсаўстойлівасць;

– самадысцыпліна для выдаленай працы;

– разуменне прынцыпаў адказнай гульні;

– жаданне працаваць у класнай камандзе і рабіць медыя сусветнага ўзроўню.

Ад нас:

– магчымасць развівацца і працаваць на шматмільённую аўдыторыю;

– сумеснае абмеркаванне кампенсацыі;

– гнуткі графік (толькі для найлепшых);

– водпуск 24 дні і лаяльны падыход да бальнічных;

– прыязны калектыў, які пры жаданні можна не бачыць :).

Рэзюмэ з тэмай ліста «Рэдактар ​​iGaming-раздзела» дасылайце на пошту [email protected].