Да так званых «прэзідэнцкіх выбараў» на «Мiнск-Арэне» правядуць прарэжымны канцэрт, які скончыць серыю падобных мерапрыемстваў – так званы «марафон адзінства».

Яго кіраўніца, нявестка дыктатара Аляксандра Лукашэнкі Ганна Сялук заявіла, што канцэрт «збярэ больш за 10 тысяч гледачоў». Ён пройдзе на тыдні з 20 па 26 студзеня, дакладная дата не называецца.

Нагадаем, раней на іншыя даты былі перанесеныя матчы на «Мінск-Арэне» хакейнага «Дынама», якое павінна было правесці дамашнюю серыю 18, 20, 22 і 24 студзеня.

Топ-матч ЧБ з рэкордам па шайбах прайшоў на нейтральнай пляцоўцы – i не адзiн ён выселены ў iншы горад «марафонам» за дыктатуру

Аўтар: Юрый Дыбоўскі

Крыніца: belta.by