Яна «праводзіла там час у кампаніі мужчыны». У публікацыі прыводзяцца словы неназванай сяброўкі спікеркі КС, якая нібыта паведаміла: Мельнікава паказала ёй фатаграфіі мужчыны і «яго заручальны пярсцёнак» і «сказала, што ён з Беларусі, спартсмен і што яна закахана ў яго».

Адзначаецца, што Мельнікава не паведамляла «калегам з апазіцыі» пра знаёмства з мужчынам з-за таго, што ён жыве ў Беларусі. Гэта магло «выклікаць занепакоенасць у іншых актывістаў».

– Мужчына, які выдаваў сябе за спартсмена, мог быць супрацоўнікам беларускага КДБ. Апошняя паездка на Шры-Ланку аказалася пасткай, падрыхтаванай спецслужбамі. З вострава можна лёгка дабрацца да Расіі, а затым да Беларусі. Існуюць рэгулярныя і чартарныя рэйсы. Магчыма, Мельнікава села ў адзін з гэтых самалётаў – па ўласнай волі, прымусова або пад шантажом, – гаворыцца ў тэксце.

Нагадаем, 28 сакавіка намеснік кіраўніка Аб'яднанага пераходнага кабінета і кіраўнік Народнага антыкрызіснага ўпраўлення Павел Латушка заявіў, што 25 сакавіка знікла спікерка КС Мельнікава.

Ён расказаў, што падаў заяву аб гэтым у праваахоўныя органы Польшчы. 28 сакавіка стала вядома, што разам з ёю зніклі і дзеці, якія жылі з ёю ў Варшаве.

7 красавіка муж спікеркі Андрэй Мельнікаў пацвердзіў, што ён разам з дзецьмі знаходзіцца ў Беларусі.

Дакладнае месцазнаходжанне Мельнікавай і абставіны знікнення невядомыя да гэтага часу.

Аўтар: Iгнат Калiнiн