У Беларусi сустрэлі прызёраў АГ: Залаты ўcё ж атрымаў штосьцi залатое, стваральнiца лукашыстаў з батута казала пра чыстую душу
Канешне, куды ж без рэжымных чынушаў.
2 i 3 жнiўня беларускiя спартсмены ў нейтральным статусе ўзялi тры медалi Алiмпiяды: спачатку было срэбра Вiялеты Бардзiлоўcкай i золата Iвана Лiтвiновiча ў скачках на батуце, потым – срэбра Яўгена Залатога ў акадэмiчным веславаннi.
А 10 жнiўня бронза дасталася цяжкаатлету Яўгену Цiханцову.
Усе чатыры спартсмены ўжо вярнуліся ў Беларусь. Канешне, рэжымнiкi скарысталiся нагодай для пiяру. Напрыклад, яшчэ ў самалёце падсанкцыйная «Белавiя» пачала вiншаваць Залатога, якi ляцеў другую частку шляху дадому – са Стамбула ў Мiнск. Спартсмен павінен быў ляцець эканом-класам, але авіякампанія перасадзiла ў бiзнес – а потым камандзiр уручыў (якi каламбур з прозвiшчам) залатую картку авiякампанii, якая дапаможа эканомiць на палётах.
Рэйс беларускага вясляра прыляцеў глыбока ўначы. I нават нейкiх «прыгнаных» заўзятараў заўважана не было – сустракаць прыехалі толькі рэжымныя чынушы і супрацоўнікі прапагандысцкіх СМІ. Ні сцягоў, ні плакатаў – сцiпла.
Спартсмен атрымаў шмат букетаў, сярод якіх была і скрынка з хрызантэмамі і алімпійскімі кольцамі.
Залаты раздаваў каментарыi, расказваючы, што пад час спаборніцтваў яго супернікі выбралі няверную тактыку, таму «ў канцы ім проста не хапіла сіл».
Падчас спаборніцтваў Залаты стаў бацькам – даведаўся пра гэта пасля чвэрцьфіналу. Так што адразу пасля прыезду вясляр адправіўся ў Брэст, каб забраць з радзільнага дома жонку Ксенію і сына Марка. Але i туды Залаты прыбыў з парыжскім медалём.
Ну а куды тут без дэсанта лукашыстаў? На выпiску прыехалi старшыня выканкама Лукашэнкi па Брэсту Сяргей Лабадзінскі, намстаршыні выканкама Лукашэнкi па Брэсцкай вобласці Вадзім Краўчук i iншыя iх «калегi». Атрымалася вось такое «святочнае» фота – але на камеры штосьцi нiчога большага за кветкi спартсмену з жонкай не падаравалi.
Днём пазней у Мінску прызямліўся самалёт з Бардзiлоўскай i Літвіновічам. Яны таксама атрымалі карты ад «Белавія». А на фота з гэтай нагоды ўстала i галоўны трэнер батутнай зборнай Ольга Уласава, якую дыктатарам прызнаваў нават дыктатар Лукашэнка.
Батутысты прыляцелі ў Мінск у дзённы час. Можа, i гэта паўплывала на тое, што, акрамя чынушаў, у аэрапорт прыехалі і людзі з плакатамі з фота медалістаў і іх трэнера. Канешне ж, без чырвона-зялёных колераў у такiх «сустракаючых» нiкуды.
Хаця абышлося без стракатасці. Магчыма, сiстэма падумала пра правiлы МАК для нейтральных атлетаў, якiя забараняююць асацыяцыi з рэжымнай сiмволiкай i пасля спаборнiцтваў (а на момант вяртання батутыстаў нават не скончылiся Гульнi). Сустрэча Літвіновіча тры гады таму пасля перамогі на АГ у Токіа была куды больш насычаная чырвонай зеленню.
Цяпер жа двухразовы чэмпіён раздаваў аўтографы і расказваў прапагандыстам, што «слёз шчасця» на гэты раз у яго не было. А ў фінале было перажыванне, бо «ўсялякае можа быць».
Бардзілоўская, для якой такая сустрэча ў навінку, расказала, што падчас спаборніцтваў адчувала ўпэўненасць у сваіх скачках, а вось у аэрапорце Мінска адчула няёмкасць і хваляванне.
Уласава ж дадала пафасу гэтаму дню. Рэжымнiца, якая ў свой час прыказала ўсёй сваёй зборнай стаць падпiсантамi за Лукашэнку, цяпер раптам заявiла, што вучыць сваіх спартсменаў, каб іх душа была ў «поўным [значэнні] гэтага слова добрай, чыстай» – i гэта важнейшае за вынiк.
Уласава таксама сказала, што проста хоча дадому, каб заняцца кветкамі, якія вырошчвае – маўляў, «зносіны з прыродай» яе «энергетычна насычаюць».
Апошнім у беларускую сталіцу вярнуўся Ціханцоў у кампаніі калегi па вiду Сюзаны Валадзько, якая на АГ заняла чацвёртае месца. Спартсмен дабіраўся ў Мінск начным рэйсам са Стамбула, і, як і ў выпадку з Залатым, сустракаць яго прыехалі ў асноўным лукашэнкаўцы.
Але былі і прадстаўнікі зборнай.
Букеты, якiмi акружылi Цiханцова, расцветкай яўна адсылалi да рэжымнага сцяга.
Бронзавы прызёр Парыжа падзякаваў за сустрэчу і распавёў, што ўжо плануе падрыхтоўку да АГ-2028, але спачатку яму трэба «падцягнуць здароўе». Што да выніку, Ціханцоў сказаў, што гэта «не супер», бо на трэніроўках ён узнімаў і больш, «але нармальна».
Іншыя пасты карыстальніка
