Розныя мастакі напісалі партрэты вядомых беларускіх спартсменак. Як вам вынік?

На мінулым тыдні рэжымны алімпійскі камітэт зладзіў імпрэзу да Дня маці. На ёй былі выстаўленыя дзесяць партрэтаў тытулаваных беларускіх спартсменак-маці. Ці пазнаеце ўсіх без падказкі?

На ўсякі выпадак пералічым усіх злева направа: Ванэса Каладзінская (дужанне), Кацярына Вандар’ева (тайскі бокс), Наталля Цылінская (веласпорт), Кацярына Карстэн (веславанне), Дар'я Домрачава (біятлон), Юлія Несцярэнка (лёгкая атлетыка), Любоў Чаркашына (мастацкая гімнастыка), Алена Бялова (фехтаванне), Ала Цупер (фрыстайл) і Марына Літвінчук (веславанне). З іх Цылінская, Карстэн, Чаркашына і Літвінчук з'яўляюцца падпісанткамі ў падтрымку рэпрэсій.

Некаторыя гераіні карцін наведалі мерапрыемства разам з дзецьмі, якія таксама паспрабавалі намаляваць сваіх мам. Вось так выглядае Цылінская ў выкананні сваіх дзяцей:

А вось так сваю маму намалявалі дзеці Цупер:

Усе партрэты пісалі розныя беларускія мастакі. Напрыклад, аўтар выявы Юліі Несцярэнкі – старшыня Беларускага саюза дызайнераў Сяргей Варкін:

А вось так выглядае сам мастак:

Варкін нарадзіўся ў 1983 годзе ў Чавусах Магілёўскай вобласці. У 2009-м скончыў Беларускую дзяржаўную акадэмію мастацтваў. З’яўляецца прадстаўніком сучаснага мастацтва. Піша ў стылі абстракцыянізма. Яго праца на фатаграфіі вышэй называецца «Кола 2». Набыць яе можна за 3100 беларускіх рублёў. Цікава, што першая частка «Кола» – адна з самых дарагіх у партфоліа аўтара (каштуе 8200 рублёў):

Яшчэ адна праца Варкіна ў стылі постмадэрнізму называецца «К-А» і ацэньваецца ў 8320 рублёў:

На партале artcenter.by самай дарагой працай, якую ўдалося прадаць мастаку, з’яўляецца «Фігурная кампазіцыя», якая сышла за 3828 рублёў:

А вось партрэт Ліцвінчук пісаў ужо іншы мастак – Васіль Зянько. Так выглядае яго праца зблізку:

А вось сам аўтар:

Мастак нарадзіўся ў 1977-м у Стоўбцах. Зянько з’яўляецца аўтарам і арганізатарам шматлікіх персанальных і групавых выставачных праектаў, якія праходзілі ў Аўстрыі, Беларусі, Польшчы, Расіі, Францыі. Яго карціны захоўваюцца ў многіх музеях Беларусі, у музеі сучаснага рускага мастацтва ў Нью-Йорку, а таксама ў прыватных калекцыях Аўстрыі, Беларусі, Германіі, Нарвегіі, Польшчы, Расіі, ЗША, Турцыі, Францыі.

Фірмовым стылем Зянько, паводле мастацвазнаўцаў, лічыцца рэльефныя контуры, яркая каляровая гама, перапляценне ліній, якое стварае аб’ёмны арнамент. У 2019-м мастак выпусціў серыю тактыльных карцін для людзей з парушэннем зроку пад назвай «Свет на кончыках пальцаў»:

А гэтая «Асобы часу»:

На партале artcenter.by можна набыць некаторыя працы мастака, але не ўсе з іх будуць па кішэні сярэднестатыстычнаму беларусу. Сярод самых дарагіх карцін – «Раніца райскай птушкі» за 25 409 рублёў...

...і «Вернасць Акіко» (25 202 рублі):

На тым самым партале сярод прададзеных самай дарагой з'яўляецца «Душа лета» – 6530 рублёў: