7 фільмаў і серыялаў пра зімовыя віды спорту

Cool Runnings («Стромкія віражы»)

Ямайцы і бабслей – здаецца, рэчы несумяшчальныя? Але не для герояў гэтага фільма! Вясёлая і натхняльная гісторыя пра каманду, якая, насуперак усяму, трапіла на Зімовую Алімпіяду-1988. Гумар, сяброўства і вялікая мара – усё ў адным фільме. Стужка заснавана на рэальных падзеях. 

Eddie the Eagle («Эдзі «Арол»)

Стужка пра таго самага Эдзі Арла, які, здавалася б, не меў шанцаў, але стаў легендай у скачках з трампліна. Нягледзячы на крытыку і няўдачы, ён даказаў, што мары існуюць, каб здзяйсняцца. Фільм вельмі натхняе і матывуе. 

Miracle («Цуд»)

У 1980 годзе амерыканскія хакеісты здзейснілі «цуд на лёдзе» – перамаглі на той час магутную зборную Савецкага Саюзу ў фінале Алімпіяды-1980. Як яны гэтага дасягнулі? Гэты фільм паказвае цяжкую працу, матывацыю і сілу сапраўднай каманды. Абавязковая стужка для хакейных фанатаў.

Blades of Glory («Лёзы славы: Зоркі на лёдзе»)

Шалёная камедыя пра двух ворагаў, якія вымушаны стаць першай мужчынскай парай у фігурным катанні. Мега рок-зорка супраць былога вундэркінда, які трапіў на лёд з дзіцяга дому. У стужцы шмат спрэчах, выбуховы гумар і шмат эпічных правалаў на лёдзе. 

I, Tonya («Я Тоня»)

Біяграфіяная драма пра адную з самых скандальных фігурыстак Тоню Хардзінг. Спорт, бойкі, чорны гумар сплятаюцца ў захапляльную гісторыю пра тое, як жорсткі свет спорту можа перавярнуць жыццё з ног на галаву. Перад здымкамі Марго Робі вучылася катацца на каньках каля 5 месяцаў. 

Spinning Out («Працягваючы кручэнне»)

Серыял пра рэчаіснасць жыцця фігурыстаў, дзе прысутныя не толькі прыгожыя касцюмы і грацыя. Галоўная гераіня спрабуе змагацца з асабістымі дэманамі і стрэсам вялікага спорту. Серыял пра барацьбу, маральныя выбары і тое, што стаіць за сцэнай. У серыяле ад Nexflix толькі адзін сезон. 

Shoresy («Шорсі») Серыял для тых, хто жыве хакеем і любіць добры, але грубы гумар. Галоўны герой, харызматычны нахаба Шорсі, спрабуе выратаваць мясцовы «Авіятар». Тут ёсць усё: жорсткія сутычкі на лёдзе, вострыя жарты і кіпучы характар канадскага мястэчка. Вас чакае сама меней 3 сезоны, але фармат серый вельмі кароткі – па 20 хвілін.