Ад лакальнага праекта да міжнароднага digital-медыя: як Tribuna будуе будучыню спартыўных медыя
Падкаст з заснавальнікамі адной з самых паспяховых спартыўных медыяэкасістэм
Гісторыя Tribuna пачалася з друкаванай газеты і журналісцкага энтузіязму. Сёння гэта – ужо міжнароднае спартыўнае медыя з дадаткамі, платформай для фанатаў і новымі амбіцыйнымі праектамі. Дзмітрый Навоша і Максім Беразінскі прыйшлі на падкаст Light Apps і распавялі, як прайшлі шлях ад працы журналістам у друкаванай газеце да ўласнай кампаніі з сотнямі супрацоўнікаў і карыстальнікаў па ўсім свеце.
Гэта не інтэрв’ю ў стылі «паглядзіце, як у нас усё класна», а шчырая размова. Як палітыка ўплывае на кампанію? Як працаваць з грантамі (успомнілі і скандал з USAID)? Як кіраваць дыстанцыйнай камандай з 200+ чалавек? На якія рынкі сапраўды можна выйсці? Як выкарыстоўваць штучны інтэлект і big data?
У выпуску таксама – анонс футбольнага суперапу, які абяцае стаць універсальным інструментам для заўзятараў: навіны, аналітыка, статыстыка, персаналізаваныя функцыі і шмат чаго яшчэ.
Калі вам цікавыя спорт, тэхналогіі або вы проста хочаце зразумець, як працуе медыя знутры – уключайце выпуск, будзе цікава.
Іншыя пасты карыстальніка
