Сэлбст, Тылі, Хэйл і Кінг уведзены ў Жаночую залу славы покера

У ноч на 15 лістапада ў Лас-Вегасе, упершыню з 2018 года, была праведзена цырымонія па ўвядзенні новых членаў Жаночай залы славы покера. Імі сталі Ванэса Сэлбст, Анжаліка Хэйл, Джэніфер Тылі і Тэры Кінг.

У намінацыі ўдзельнічалі 54 жанчыны са свету покера з якіх у фармаце публічнага галасавання былі адабраны сем асноўных кандыдатак. Меркавалася, што з гэтай сямёркі толькі дзве намінанткі будуць уведзены ў Залу славы, аднак сёлета арганізатары падзеі зрабілі выключэнне.

«У гэтым годзе, у сувязі з пропускам мінулага прызначэння з-за каранавіруса і той шчыльнасці галасоў, якія падзялілі чатырох лепшых жанчын, члены Залы Славы вырашылі зрабіць выключэнне і ўвесці ўсіх чатырох выдатных жанчын у Жаночую залу славы покера 2022», – гаворыцца ў аб'яве WiPHoF.

Што да пераможцаў, то на рахунку Ванэсы Сэлбст лепшы паказчык прызавых у жывых турнірах сярод жанчын за ўсю гісторыю – 11,9 мільёна долараў.

Джэніфер Тылі, з“яўляючыся галівудскай актрысай, ужо больш за два з паловай дзесяцігоддзі гуляе ў покер і выйграла бранзалет на Жаночым турніры WSOP 2005 года.

Анжаліка Хэйл з'яўляецца кіраўніком аддзела глабальнага кіравання WPT і віцэ-прэзідэнтам WPT Enterprises і з 2010 года дапамагла брэнду дабіцца беспрэцэдэнтнага міжнароднага росту, уключаючы пашырэнне ў Азію, Афрыку і Паўднёвую Амерыку.

Тэры Кінг з'яўляецца адной з жанчын-першапраходцаў у покеры, якая выйграла бранзалет на Жаночым турніры WSOP 1978 года і стала адной з першых жанчын, якая прыняла ўдзел у WSOP Main Event. Таксама Кінг вядома як гісторык покера.