Трэнер зборнай Кітая па байдарках Петрушэнка на пытанне пра кантакты з украінцамі: «Ёсць людзі з неадэкватным успрыманнем – яны ад зносін ухіляюцца. Але такіх мала»

Галоўны трэнер зборнай Кітая па байдарках беларус Раман Петрушэнка расказаў пра палітычную напружанасць, з якой сутыкаўся пры працы са спартсменамі.

– Ты ўзгадваў украінцаў … Як грамадска-палітычная сітуацыя адбіваецца на зносінах з імі?

– Ніяк. І беларуская каманда вось прыязджала на спаборніцтвы, і я з імі маю зносіны. Успрымаем адзін аднаго як спартсмены. У іхніх вачах я не выглядаю нейкім ворагам. Так, ёсць людзі з неадэкватным успрыманнем – яны ад зносін ухіляюцца. Але такіх мала. Галоўным чынам абмяркоўваем нашу агульную справу – веславанне.

Узгадваю, што раней украінцы пісалі на сваіх лодках нейкія лозунгі: Міжнародная федэрацыя байдарак і каноэ прымушала іх прыбіраць надпісы.

– Даводзілася чуць, што нашых весляроў заклікалі не дапускаць да спаборніцтваў нават зараз…

– Гэта канкурэнцыя. Прыбраць суперніка на старце, каб заваяваць ліцэнзію, метад брудны, але працоўны. Бізнес і нічога асабістага. Так бывае часта ў прафесійным спорце, – адзначыў Петрушэнка.