Асабісты трэнер беларускай вясляркі Таццяны Клімовіч Яраслава Паўловіч падзялілася меркаваннем пра выхад Клімовіч у паўфінал Алімпіяды на дыстанцыі 2000 метраў у адзіночцы.

– Сілы Таццяна не берагла, ехала, як атрымлівалася. Не можам мы знайсці пакуль нармальны ход у гэтай арандаванай лодцы.

Лодкі для весляроў – яны, як абутак для чалавека. У паход вы ж не надзенеце новы чаравік, які натрэ вам мазоль. Так і тут. Кожная новая лодка адрозніваецца. Камусьці яна падыходзіць адразу, камусьці трэба больш часу, каб прыкатацца, прачуць яе, знайсці яе аптымальны ход. Пакуль у нас не атрымалася, але спадзяюся, што мы гэта выправім.

У нас ёсць яшчэ адзін дзень. Паспрабуем сёе-тое памяняць, палепшыць, калі атрымаецца, – сказала Паўловіч.

Аўтар: Iгнат Калiнiн

Крыніца: sport5.by

Алімпійскія гульні

Таццяна Клімавіч

акадэмічнае веславанне

Веславанне