Віталь Белы: «Няхай Залаты ўжо адпачне – ён нават не ходзіць да трэніроўкі, бо без выходных два разы на дзень трэніроўкі»
Трэнер зборнай Беларусі па акадэмічным веславанні Віталь Белы пракаментаваў сярэбраны медаль Яўгена Залатога на Алімпіядзе.
«Так, былі праблемы ў нас перад стартам. Усе ўжо цудоўна разумеюць, што зламаўся аўтобус, перад самым стартам Жэня на ім якраз і ехаў. Ну а па гонцы, так, гэта ў прынцыпе нармальна, што мы так другую тысячу [праехалі], таму што мы ведалі, што немец і галандзец вельмі моцныя, і за імі ці разам з імі ехаць першую тысячу, гэта самагубства. Як і атрымалася з грэкам, калі вы бачыце. Ну а другую тысячу ўжо – усё аддаць, каб [заваяваць] медаль. Так яно і атрымалася ў прынцыпе. Так што ўсё склалася добра сёння, і дзякуй Богу, што ўзялі медаль. Даўно медалі ўжо ў акадэмічным веславанні не было. Я думаю, для краіны гэты медаль, для ўсіх нас – вельмі добра. Вы ж разумееце, што ў нас з усімі нашымі праблемамі: лодкі нашы не пусцілі, яшчэ нейкія пытанні, яшчэ допускам былі пытанні. Але мы ўсё гэта пераадолелі і вельмі вялікую працу зрабілі трэніровачную, вельмі вялікую. Я думаю, зараз няхай Жэня ўжо адпачне. [Ён] нават не ходзіць да трэніроўкі, таму што кожны дзень без выходных два разы на дзень трэніроўкі – гэта вельмі складана. Але выканалі, вынік ёсць на твар, так што я лічу, што правільна ўсё зрабілі.
І хацеў бы яшчэ ўсім сваім трэнерам, якія засталіся ў нас у Беларусі, усім нашым работнікам, усім вялікі дзякуй. Гэта мы ўсе разам зрабілі гэты медаль, так што ўсім вялікі дзякуй. І хто за нас хварэў у нашай краіне, таксама ўсім вялікі дзякуй», – сказаў Белы.
