Яўген Залаты: «Думаў, што на Алімпіядзе будзе да беларусаў нейкае іншае стаўленне. Але нас цёпла сустрэлі, ведалі па імёнах»

Беларускі весляр Яўген Залаты падзяліўся ўражаннямі аб Алімпіяды, дзе стаў сярэбраным прызёрам.

Беларусы выступалі ў нейтральным статусе. Абмежаванні ўведзены ў адказ на вайну, якая з 24 лютага 2022 года працягваецца Расіяй ва Украіне з выкарыстаннем тэрыторыі Беларусі.

– Тое, што мы без сімволік, без усяго, думаў, што будзе нейкае стаўленне іншае ад людзей. А там так цепла сустрэлі.

Прыехала машына, забралі сумкі, поўнасцю апячаталі, каб туды ніхто не залез.

Потым, калі па прыездзе ўжо ў самую алімпійскую вёску, тое самае. Нас сустрэлі, па імёнах усіх ведалі. Забралі гэтыя вёслы, сумкі.

– Значыць, буду зараз яшчэ і пра лодку гаварыць. Моцна знерваваўся?

– Мы, мусіць, ужо... Прызвычаіліся з думкай аб тым, што мы будзем ганяцца ўжо на іншай лодцы, наогул іншай маркі.

Гэта значыць, гэта лодка кардынальна іншая. Як, дапусцім, у машыне матор адзін, і ты перасеў на іншы. Гэта значыць ты не разумееш, альбо ён мацней, чым той, што быў, альбо слабей, – сказаў Залаты.