Беларускі вясляр Залаты: «На АГ ніхто не разумеў «нейтральныя атлеты». Кажам: «Беларусы». – «А, як мы рады вас бачыць!»
Беларускі сярэбраны прызёр АГ у Парыжы Яўген Залаты, які па спісах з'яўляецца членам спартыўнага камітэта Узброеных Сіл Лукашэнкі, распавёў аб захаванні нейтральнасці.
– Міжнародны алімпійскі камітэт потым даслаў нам паперу з віншаваннямі і падзякай, што выконвалі ўсе правілы. Шмат хто ў каментарах пісалі, чаму мы былі не ў форме, без сцяга? Але нас папрасілі, пакуль ідуць Алімпійскія Гульні, каб было менавіта так. Прыйшлося падпарадкавацца, каб не падвесці наш НАК.
Калі бачылі надпіс на нашай форме AIN, усе пыталіся ў нас: «Што гэта за краіна?» Кажам, што мы індывідуальныя атлеты, нейтральныя. «Якія атлеты?» Ніхто не разумеў. Мы кажам: «Беларусы». – «А, як мы рады вас бачыць!».
– А гэты статус трэба выконваць яшчэ нейкі час?
– На Алімпіядзе нам усталявалі пэўныя правілы – мы гэта ўсё выканалі на сто адсоткаў. Далей ніхто нічога не казаў. Хоць, напэўна, могуць прыдумаць якія-небудзь абмежаванні ў любы момант. Вось 18 кастрычніка Аляксандр Рыгоравіч Лукашэнка нам уручаў дзяржаўныя ўзнагароды, а ўжо на наступны дзень міністр спорту Украіны напісаў, што Залатога трэба дыскваліфікаваць. Не трызненне? – сказаў Залаты.
