Прэзідэнт Федэрацыі фігурнага катання Украіны пра допуск беларусаў і расіян да кваліфікацыі Алімпіяды: «Не ведалі, што плануецца такое рашэнне»
Прэзідэнт Федэрацыі фігурнага катання Украіны Даніль Амірханаў пракаментаваў рашэнне Міжнароднага саюза канькабежцаў (ISU) дапусціць расійскіх і беларускіх спартсменаў да кваліфікацыі Алімпіяды-2026 у нейтральным статусе.
«Не ведалі, што плануецца такое рашэнне. Думалі, што магчыма такое рашэнне, таму што тая дзейнасць, якую ажыццяўляе РФ і федэрацыя Расіі па фігурным катанні – адчувалася, што нешта плануецца. Але ніякія крыніцы ў ISU нам не паведамлялі, што можа быць прынятае такое рашэнне. Сказаць, што мы абураныя такім рашэннем, няма чаго сказаць. Няма слоў, адны эмоцыі. Цяжка зразумець іх пазіцыю.
Нам трэба вывучыць гэты дакумэнт. Там ёсць крытэры, трэба іх вывучыць і спланаваць свае дзеянні па гэтым камюніке. Перш за ўсё, мы праінфармуем ISU, што абураныя такім рашэннем: трэці год і сённяшняе бамбардзіроўка – такая пазіцыя не ўкладваецца ў галаве. Рыхтуем таксама ліст усім чальцам ISU адносна нашай пазіцыі і стаўленне да прынятага рашэння.
Нам трэба вывучыць гэтыя крытэрыі дасканала, каб мець шляхі барацьбы і кантролю, як сачыць і кантраляваць спартсменаў, удзел якіх плануецца ў гэтых мерапрыемствах. Будзем прасіць МЗС і СБУ, каб яны нам у гэтым дапамагалі, а таксама просьбы да СМІ, каб яны вышуквалі ўсе гэтыя друкаваныя матэрыялы і інтэрв'ю, дзе расійскія спартсмены выказваюць сваё меркаванне наконт вайны.
У нас ёсць пэўная колькасць інфармацыі, абагульненай у Мінмаладзёжспорту, у НАК, працягнем у далейшым вывучаць кожнага спартсмена ў адпаведнасці з гэтымі крытэрыямі і сачыць за іх захаваннем. Гэта актуальная рэч, таму што малаверагодна, што яны [ISU] могуць адмяніць сваё рашэнне», – сказаў Амірханаў.
