Кіраўніца расiйскіх лыж Вяльбе: «FIS патрабуе ад спартсменаў пацвердзіць, што яны не падтрымліваюць СВА. Рабят, гэта дакладна ніяк»

Кіраўніца Федэрацыі лыжных гонак Расіі (ФЛГР) Алена Вяльбе пракаментавала патрабаванне Міжнароднай федэрацыі лыжнага спорту (FIS) асудзіць вайну ва Украіне.

«Не так даўно ён [кіраўнік FIS Ёхан Эліяш] тэлефанаваў нашаму генеральнаму сакратару, яны досыць доўга размаўлялі. З размовы было ясна – Расію трэба вяртаць. Ёсць віды спорту, дзе яны губляюць гледачоў, што называецца, на хаду. Вядома, ёсць і віды спорту, дзе ніхто нават не заўважае, што няма расіян. Не ва ўсіх відах у нас усё добра.

Наш генеральны сакратар асацыяцыі сказаў: «З такімі ўмовамі, што вы прапануеце, ніхто на гэта не пойдзе». Апроч таго, што яны прапануюць нейтральны статус для нашых спартсменаў, яны яшчэ штурхаюць на гэтую дарожку ўсе федэрацыі і кажуць, што ім неабходна, каб людзі неяк вусна ці пісьмова пацвердзілі, што не падтрымліваюць СВА (так прарасійскія крыніцы называюць вайну, якая з 24 лютага 2022 г. працягваецца Расіяй ва Украіне з выкарыстаннем тэрыторыі Беларусі – Tribuna.com). Рабят, гэта дакладна ніяк», – адзначыла Вяльбе.